Иң кыен дәрес

Белмим ул кадәресен.

Кемгә физикадыр бәлки,

Миңа  җыр дәресе.

 Ник дисезме? Жырлый белмим,

Көе чыкмай көйләсәм.

Колагыңа аю баскан

Дип үрти мине Ләйсән.

                      Сираев Ильгиз

И изге мәктәбем минем!

Синдә алам мин белем,

Синдә укырга өйрәндем,

Син минем киләчәгем.

И якты мәктәбем  минем!

Мин инде хәзер белдем:

Икәү бергә булганда

Җиңәләм мин барсында.

                  Гаделшин Илнар

Матур мәктәбебез безнең

Ямьле бакчабыз.

Анда көн дә ашкынабыз,

Белем алып кайтабыз.

Тәнәфес вакытында

Балалар котырыша.

Кыңгырау шалтыраса,

Укытучы өйгә ашкына.

                     Сәлмәнов Рузил

Сез, укытучылар,

Бик әйбәт кешеләр.

Безгә белем бирәсез.

Аңлатырга телисез.

Сез безне өйрәттегез

Укырга һәм язарга.

Сез безне өндәдегез

Яхшы юлдан барырга.

                   Султанов Руслан

Салкын кыш килә,

Суык җил өрә.

Ап-ак кар ява,

Җирләр тазара.

                   Сафина Румия

Әй, ява, ява, ява,

Матур ап-ак кар ява.

Алар әйләнә уйный,

Җирне ап-ак шәл каплый.

                            Сафина Румия

Кыш килә ялындырып,

Бүләген сагындырып.

Карлары көмеш кебек,

Җилләре  батыр кебек.

Чиста һава урамда

Мине яраткандай була.

                   Сафина Румия

Мин дәрестә шигырь язам

Мин язам, уйлап язам.

Аннан мин шигырьләрне

Ләйлә апага бирәм.

Укытыучы апа тикшереп,

Яңа жетон бирәчәк.

Миңа шул жетоннарга

Бүләкләр эләгәчәк.

                          Каримов Айнур

Без укыйбыз, без язабыз

Икеле дә алабыз.

Кайсыбердә бишлене дә

Эләктереп куябыз.

Дүртлегә көчебез җитми,

Тартып, сузып алабыз.

Өчлегә ис тә китми,

Аны көндә алабыз.

                          Каримов Айнур

Кояш балкый күк йөзендә,

8 нче Март бүген!

Әни дә бит кояш кебек

Яктырта өйнең түрен!

                    Габдрахимова Лилия